Англиянинг «Манчестер Сити» клуби бразилиялик ҳимоячи Уэсли Франса билан музокаралар олиб борди ва уни «Рома»дан шу йил январда харид қилишни режалаштирмоқда, деб хабар беради Globo нашри.
Манбага кўра, «шаҳарликлар» футболчини унинг «Фламенго»да ўйнаган пайтларидан бери кузатиб келмоқда ва уни чап ёки ўнг қанот ҳимоячиси сифатида «ишончли вариант» деб ҳисоблайди. Ҳозирда Манчестер клуби Италия жамоаси билан ҳам алоқа ўрнатган ва трансфернинг шартларини баҳоламоқда, шу орқали жамоа «Тоттенҳэм Хотспур» ва «Ньюкасл Юнайтед»ни ортда қолдирган. Ҳозирча «Рома» футболчини Жаҳон чемпионатигача сотиш ниятида эмас ва унинг трансферига рухсат бермаган.
Жорий мавсумда 22 ёшли ҳимоячи барча мусобақаларда 21 та учрашув ўтказиб, 3 та гол урган. Transfermarkt портали унинг бозор қийматини €35 млн деб баҳолайди.
Роналду майдонда аср рекордини ўрнатди
Роналду "Ан-Наср" "Реал" футболчисини олиб келишини истамоқда
Гвардиола: «Ҳусанов – ақл бовар қилмас футболчи»
