Туркия Суперлигасининг 6-турида "Истанбул Башакшеҳир" ўз майдонида "Генчлербирлиги"ни 4:0 ҳисобида мағлубиятга учратди.
Мезбонлар 9-дақиқада Андреас Сков Олсеннинг голи билан ҳисобни очди. 33-дақиқада Ўзбекистон миллий терма жамоаси ҳужумчиси Элдор Шомуродов жамоасининг иккинчи голини урди.
53-дақиқада Дави Зельке пенальтини аниқ амалга оширди. 65-дақиқада эса Шомуродов яна бир бор рақиб дарвозасини ишғол қилиб, дублни расмийлаштирди. Шу тариқа, Элдор "Башакшеҳир"нинг йирик ғалабасига катта ҳисса қўшди.
Шомуродов 77-дақиқада алмаштирилди. Унинг ўрнига майдонга бошқа бир футболчи тушган бўлса, худди шу дақиқада Аббосбек Файзуллаев ҳам Иван Брнич ўрнига ўйинга қўшилди.
Ушбу ғалабадан кейин "Башакшеҳир" очколари сонини 7 тага етказиб, Туркия Суперлигаси турнир жадвалида 12-ўринга кўтарилди. "Генчлербирлиги" ҳам 7 очкода қолди ва 13-поғонада жойлашди.
"Истанбул Башакшеҳир" — "Генчлербирлиги" — 4:0
Голлар: Андреас Сков Олсен, 9 — 1:0; Элдор Шомуродов, 33 — 2:0; Дави Зельке, 53, пенальти — 3:0; Элдор Шомуродов, 65 — 4:0.
Муҳожирлар кетмоқда — Москва эса қайтишга чақирмоқда
Бошланғич синф қизлари учун ҳижобни тақишни тақиқлаш таклиф қилинмоқда
Сурхондарёда 3700 йиллик қабрлар ўрганилмоқда
