2026 йилнинг дастлабки етти ойида Германия қарийб 2 миллион дона янги автомобиль экспорт қилди — бу ўтган йилнинг шу даврига нисбатан 4 фоизга кам. Пул ифодасидаги пасайиш янада сезиларли бўлди: экспорт 8,9 фоизга қисқариб, 73,5 миллиард еврони ташкил этди. Бу ҳақда Германия Федерал статистика бошқармаси маълумотлари хабар бермоқда.
Шу билан бирга, Германияга автомобиль импорти 16 фоизга ошиб, қарийб 1,3 миллион донага етди. Илк бор асосий етказиб берувчи мамлакат Хитой бўлди: импорт қилинган янги автомобилларнинг 13,8 фоизи Хитой ҳиссасига тўғри келди, Хитойдан етказиб бериш ҳажми эса бирданига 120,9 фоизга ошди.
Хитой Чехия ва Испанияни ортда қолдириб, Германияга автомобиль етказиб берувчи давлатлар орасида биринчи ўринни эгаллади. Шу билан бирга, импорт қилинган автомобиллар орасида электромобиллар улуши 66,3 фоизга ошиб, 24,4 фоизга етди.
Немис ишлаб чиқарувчиларининг муаммолари айниқса Хитой бозорида яққол кўзга ташланмоқда. 2025 йилда Германиядан Хитойга автомобиль ва автомобиль эҳтиёт қисмлари экспорти қарийб учдан бир қисмга қисқарди. 2022 йилдаги энг юқори кўрсаткич билан солиштирганда, экспорт икки баробардан кўпроқ камайиб, қарийб 13,6 миллиард еврога тушди.
Дунёда атиги уч киши хорижга паспортсиз саёҳат қилиши мумкин
Муҳожирлар кетмоқда — Москва эса қайтишга чақирмоқда
Аманбай Оринбаевга генерал-майор унвони берилди
