Франция президенти Эммануэль Макрон Америка етакчиси Дональд Трампнинг Украинада 30 кунга тўлиқ ўт очишни тўхтатиш ҳақидаги чақириғини қўллаб-қувватлади.
У Х микроблогида кеча кечқурун Қўшма Штатлар президенти билан бир неча бор гаплашганини ёзди.
Макроннинг сўзларига кўра, ҳамкорлар кечикишларсиз, сохта баҳоналарсиз ёки вақтни чўзиш тактикасисиз сулҳга эришиш устида ишлаши керак: "Украина деярли икки ой олдин бундай ўт очишни тўхтатишни қўллаб-қувватлашини аллақачон билдирган. Энди Россия ҳам шундай қилишини кутаман. Агар у буни қилмаса, биз барча европаликлар билан биргаликда ва Қўшма Штатлар билан яқин ҳамкорликда қатъий жавоб беришга тайёрмиз."
Бир кун аввал Дональд Трамп Украина президенти Владимир Зеленский билан янги телефон суҳбати ўтказди. Шундан сўнг у ҳар икки томонни 30 кунлик сўзсиз ўт очишни тўхтатишга чақирган.
Дональд Трамп маъмурияти музокаралар бошида Киев ва Москвани аввал жанговар ҳаракатларни бутунлай тўхтатишга, кейин эса урушни тўхтатишнинг тинч йўлини излашга чақирди. Украина тўлиқ сулҳга рози бўлди ва Россия Федерацияси ҳам ўз розилигини бериши кераклигини таъкидлади. Кремль бунинг эвазига вақтинчалик сулҳ таклиф қилди.
Украина Ўзбекистонга санкция жорий қилди. Учта компания ва бир фуқаро “қора рўйхат”да
АҚШ Украинада абадий уруш ўтказиш истагини эълон қилди
Россия Украинани виждонсизларча ўққа тутмоқда
