МАГАТЭ (Халқаро атом энергияси агентлиги) раҳбари Рафаэль Гроссининг айтишича, агентликда Эрон ядровий қурол яратаётгани ҳақида аниқ далиллар бўлмаган.
"Албатта, бу 'эртага' тайёр бўладиган нарса эмас эди, эҳтимол, ҳатто йиллар ҳам керак эмас. Менимча, бу йиллар масаласи эмас. Аммо бу фақатгина тахмин. Нима учун? Чунки биз аниқ билмаймиз. Агар бирор ишлар махфий тарзда, инспекторларимиз етиб бормаган жойларда амалга оширилган бўлса — биз бу ҳақда била олмасдик. Бизда Эрон ядровий қурол яратиш бўйича тизимли иш олиб борганига доир ҳеч қандай далил йўқ", — деди Гросси CNN телеканали эфирида.
Шунингдек, МАГАТЭ маълум қилишича, Теҳрондаги уранни бойитиш учун центрифуга ускуналари ишлаб чиқариладиган бинога берилган зарбалар натижасида шикаст етган.
Аввалроқ Америка разведкаси ҳам Эрон ядровий қурол яратишга яқинлашгани ҳақида хулоса чиқармагани маълум қилинган эди. Дональд Трамп эса бу масалада “унга барибир” эканини айтган ва Эрон “жуда яқин” бўлган деб ишонганини таъкидлаган.
Даҳшат! Эрон биринчи марта замонавий вертикал ракеталардан фойдаланмоқда
Ута Абе Диёра Келдиёровага "вызов" ташлади
Ниҳоят! Араб давлатлари Эрон — Исроил уруши борасида "тилга кирди"
