Лука Модрич фаолиятини Италия гранд клубида давом эттириши мумкин

Мадриднинг "Реал" клубини тарк этган хорватиялик ярим ҳимоячи Лука Модрич Италия чемпионатига кўчиб ўтиши мумкин. Бу ҳақда Fichajes хабар бермоқда.

Манбага кўра, 39 ёшли хорватиялик хавбекнинг хизматларига Миланнинг "Интер" клуби қизиқиш билдирмоқда. "Нерадзуррилар" Модрични эркин агент сифатида ўз сафига қўшиб олиши мумкин.

Эслатиб ўтамиз, Лука "Реал" сафида 2012 йилдан буён тўп тепиб келаётган эди. Хорват "қироллик клуби" билан биргаликда олти марта Чемпионлар лигаси ғолиби бўлган ва тўрт марта Испания чемпионлигини қўлга киритган.