Учрашув АҚШнинг Атланта шаҳрида бўлиб ўтди, унга давлат котиби Марко Рубио раислик қилди. Европалик дипломатлар G20 ташқи ишлар вазирлари йиғилишида Россия ташқи ишлар вазири Сергей Лавров билан суратга тушишдан бош тортди. Натижада америкалик мезбонлар режалаштирилган биргаликда суратга тушишни бекор қилди.
"Айрим делегациялар биргаликда суратга тушишни истамагани учун ушбу тадбир бекор қилинди. Расмий суратга тушиш маросими дипломатик чалғитувчи омилга айланишига йўл қўймаслик учун, АҚШ бундан воз кечиб, асосий эътиборни муҳим музокараларга қаратди", — деди АҚШ Давлат департаментининг расмий вакили.
Саммит давомида Буюк Британия ташқи ишлар вазири Эд Милибанд россиялик ҳамкасбига мурожаат қилди.
"Россия ташқи ишлар вазирига тўғридан тўғри айтмоқчиман: бу урушда ким тажовузкор эканини ҳаммамиз яхши биламиз. Бу уруш шунчаки Европа ёки NATO учун синов эмас, у барчамиздан Путинни бу ваҳшиёна урушни давом эттирадиган даромадлардан маҳрум қилиш учун иқтисодий ва дипломатик босим ўтказишни талаб этади", — деди у.
Милибанд Россия ҳукуматини Украинада тинч аҳолининг ўлимига сабаб бўлаётганликда айблади. Шунингдек, у G20 давлатлари “Украинада адолатли ва мустаҳкам тинчликни таъминлаш учун кўпроқ ишлаши” кераклигини айтди.
Украина G20 аъзоси бўлмаса-да, сўнгги йилларда шунга ўхшаш йиғилишларга таклиф қилиб келинаётган эди. Бироқ бу сафарги учрашувга Украина таклиф этилмади.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
Зеленский Путинга хабар юборди
