Буюк Британияга ноқонуний йўл билан етиб олишни кўзлаган 230 нафар иммигрант Ла-Манш бўғозини кесиб ўтиш учун битта шишириладиган қайиққа жойлашди. Бу ҳақда Британиянинг "The Sun" нашри хабар берди. Бу кўрсаткич Ла-Манш орқали кичик қайиқларда амалга оширилган сафарлар тарихидаги битта бортга энг кўп одам жойлашиши бўйича мутлақ рекорд ҳисобланади.
Бунгача бўлган аввалги рекорд яқинда, яъни жорий йилнинг 23 июль куни ўрнатилган эди. Ўшанда битта қайиқ бортига 165 киши жойлашиб, Британия қирғоқларига сузиб келганди. Янги рекорд қайд этилган куни худди шундай хавфли сафарга чиққан бошқа бир қайиқда фавқулодда ҳолат юз берган. Бортида 173 нафар мигрант бўлган бошқа бир қайиқ йўл бошидаёқ ёниб кетган ва ундаги йўловчилар ортга — Франция қирғоқларига қайтишга мажбур бўлишган.
Британия Ички ишлар вазирлиги ва соҳил хавфсизлик хизматлари бўғоздаги ноқонуний миграция тўлқини ҳамда қайиқларнинг меъёрдан ортиқ тўлдирилиши фожиали ҳалокатларга сабаб бўлиши мумкинлигидан жиддий хавотир билдирмоқда.
Роналдунинг тўйида онаси қатнашмади
Ҳафта охиридан Ўзбекистонга салқин ҳаво оқими кириб келади
Мустақиллик байрами муносабати билан 5 кунлик иш ҳафтасида ишловчилар кетма-кет 4 кун дам олиши мумкин
