Россия ҳарбийлари октябр ойи бошидан Украина пойтахти Киев шаҳрини иккига ажратиб турувчи Днепр дарёси устидан ўтган кўприклар бўйлаб зарба бериш кампаниясини бошлади, бунгача ушбу кўприклар ҳужумга учрамаганди.
1 ва 2 октябр кунлари Россия дронлари Жанубий кўприкка ҳужум қилган. Натижада устунлардан бири, йўл четидаги тўсиқ, йўл қопламаси ва метрополитеннинг бетон тўсиғи шикастланган. Кўприк бўйлаб ҳаракат тўхтатилди, у ҳозиргача автомобиллар учун ҳам, метро поездлари учун ҳам очилмади.
3 октябрда эса Шимолий кўприкка ҳам ҳужум қилинди. Икки киши жароҳатланиб, йўл қопламаси ҳамда троллейбус алоқа тармоғи шикастланган. Кўприк бўйлаб ҳаракат қисман чекланган. 4 октябр тонгида ушбу кўприк такрорий ҳужумга учради. Ижтимоий тармоқларда тарқалган видеода зарба берилган вақтда кўприк бўйлаб автомобиллар ҳаракатланаётган бўлганини кўриш мумкин.
Киевда Днепр дарёси устидан ўтган жами тўққизта кўприк мавжуд. Украиналик экспертлар кўприкларни вайрон қилиш учун дронлар билан берилаётган зарбалар етарли эмаслигини айтишмоқда, бундай вазифа учун анча кучлироқ қурол қўллаш керак бўлади. Аммо агар дронлар орқали ҳужумлар давом эттириладиган бўлса, улар кўприкларни авариявий ҳолатга келтириши мумкин. У ҳолда кўприклар ёпилади, бу эса Киев бўйлаб логистикани жиддий даражада қийинлаштиради. Ҳозирдан муаммолар юзага келган: Жанубий кўприк бўйлаб дастлабки зарбалардан кейин Украина пойтахтида улкан тирбандликлар бошланган.
Киевдаги кўприклар бўйлаб зарбалар берилиши билан бир вақтда Украина президенти Володимир Зеленский Владимир Путин ўз ҳарбий қўмондонларига Украина бўйлаб ҳаво зарбалари беришда уруш олиб бориш қоидаларига риоя этиб ўтирмасликни буюрганини айтиб чиқди. Зеленскийнинг сўзларига кўра, Украина махсус хизматлари бу ҳақда қўлга киритилган разведка маълумотларидан хабар топган. Путиннинг бундай буйруғи эса сентябр ойида, Россия Киев бўйлаб зарбаларни кучайтирганида берилган.
Аэропортда янги туғилган чақалоқ ва унинг онаси вафот этди
Айиқ овлаганларга пул мукофоти ваъда қилинди
13 ёшли қиз эгизак фарзандли бўлди
