"Реал" дарвозабони Тибо Куртуа "Барселона"га қарши муҳим учрашув арафасида ҳакамлар фаолияти ҳақидаги саволга жавоб берди.
Cope нашрининг ёзишича, бельгиялик футболчи "Эл-класико"да ҳакамлик билан боғлиқ эҳтимолий муаммолар уни ташвишлантирмаётганини билдирган.
"Ҳакамларга ишонаман. Улар ҳам инсон, албатта, адашишлари мумкин. Фақат бундай хатолар мунтазам равишда бир жамоа манфаатига хизмат қилмаслигига умид қиламан", — деди Куртуа.
Шу билан бирга, у айрим ҳакамлик қарорларини талқин қилишда аниқ мезонлар етишмаслигидан норози эканини яширмади.
"Барселона" ва "Реал" ўртасидаги баҳс 25 октябрь, якшанба куни "Камп Ноу" стадионида ўтказилиши белгиланган.
Ла Лигада тўққиз турдан кейин каталонияликлар 27 очко билан етакчилик қилмоқда. Мадридликлар эса 21 очко жамғариб, учинчи поғонани эгаллаб турибди.
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Шоҳжаҳон Эргашевнинг Тошкентдаги жанги жанжал билан ниҳоясига етди
Россиялик марҳум боксчи умрининг сўнгги 11 йилида гапирмагани маълум бўлди
