Кремл Россия-Туркия лойиҳалари, жумладан энергетика лойиҳаларини амалга оширишнинг юқори динамикаси Туркиядаги сайловлардан кейин ҳам давом этишини кутмоқда.
Бу ҳақда душанба куни журналистларга Россия Федерацияси президентининг матбуот котиби Дмитрий Песков маълум қилди, дея хабар беради Россия давлат ОАВлари.
“Россия-Туркия қўшма лойиҳаларини амалга оширишда аллақачон юқори динамика кузатилмоқда. Албатта, биз бу суръат давом этишини кутамиз, чунки вазифалар ҳақиқатдан ҳам жуда амбицияли”, — деди Кремл вакили.
Песков, шунингдек, Россия президенти Владимир Путин ва Туркия президенти Ражаб Тоййиб Эрдўғоннинг шахсий учрашуви “қайсидир истиқболда” бўлиб ўтишини, бироқ унинг ўтказилиши вақти ҳақида аниқ тушунча йўқлигини айтди.
Шойгу уруш тугайдиган “аниқ ва шубҳасиз” санани маълум қилди
Марказий Осиё давлатларига ташқи кучлар томонидан босим ўтказилмоқда - Ўзбекистон Президенти ҳузуридаги Хавфсизлик Кенгаши
Аriston компанияси миллийлаштирилгач, Россия элчиси Италия ТИВга чақиртирилди
