АҚШнинг Киевдаги элчихонаси кейинги бир неча кун ичида исталган вақтда содир бўлиши мумкин бўлган “потенциал жиддий ҳаво ҳужуми” ҳақида маълумотга эга эканлигини айтди. Баёнот дипломатик миссиянинг расмий сайтида 9-май куни кечқурун эълон қилинган.
💬 "Элчихона, ҳар доимгидек, АҚШ фуқароларига ҳаво ҳужуми ҳақида огоҳлантириш пайдо бўлган тақдирда дарҳол бошпана излашга тайёр бўлишни маслаҳат беради", дейилади баёнотда.
Шу билан бирга, Украина кузатув каналлари АҚШ Федерал авиация маъмуриятининг Россия 12-13 май кунлари Астрахан вилоятидаги Капустин Яр полигони устидаги ҳаво ҳудудини ёпиб қўйиши ҳақида 8 майдаги хабарига эътибор қаратди.
Россия президенти Владимир Путин томонидан эълон қилинган бир томонлама ўт очишни тўхтатиш келишуви 8-майдан кучга кирди ва Кремлга кўра, 11-май ярим тунгача давом этади.Москва Украинани ташаббусга қўшилишга чақирди ва рад этилган тақдирда “оқибатлар” билан таҳдид қилди. Киев бу таклифни расман қўллаб-қувватламади.
Россия Мудофаа вазирлиги ўт очишни тўхтатиш даврида Украина Қуролли кучлари ўт очишни тўхтатиш тартибини 5000 дан ортиқ бузишга йўл қўйганини даъво қилмоқда.
Украина расмийларининг билдиришича, Россия кучлари ўт очишни тўхтатиш ҳақидаги даъволарга қарамай ўққа тутмоқда. Бироқ режим бошланганидан бери ҳар икки томон ҳам учувчисиз самолётлар ёки ракеталар ёрдамида тунги йирик ҳужумлар ҳақида хабар бермаган.
Ҳоким ўринбосари ўзини ёқиб юбордими?
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
Шаҳбоз Шариф Покистоннинг ғалабасини эълон қилди
