Кореянинг ҳукмрон Фуқаролик кучи партияси раҳбари Хан Донг Хун жума куни янги аниқланган фактлар асосида президент Юн Сеок Ёл мамлакат ва унинг халқи манфаати учун ўз вазифаларини тўхтатиши кераклигини айтди.
Хан Донг Хун бу ҳақда партия раҳбариятининг фавқулодда йиғилишида маълум қилди ва пайшанба куни мухолифат блокининг президентга импичмент эълон қилиш талабига қарши кураш бўйича олдинги позициясидан қайтди.
Ҳукмрон партия етакчисининг қайд этишича, ҳарбий ҳолат эълон қилинган куни Юн Сеок Ёл асосий сиёсатчиларни ҳибсга олишга буйруқ берган. Унинг сўзларига кўра, президент бунинг учун махсус хизматларни жалб қилгани ишончли маълум.
Агар президент Юн Сеок-Ёл ҳокимиятда қолса, ҳарбий ҳолат эълон қилиниши каби экстремал ҳаракатлар эҳтимоли юқори, бу эса мамлакат ва халқни катта хавф остига қўяди, дея қўшимча қилди Хан Донг Хун.
Чоршанба куни Демократик партия ва яна беш партия Юн Сеок Ёлга импичмент эълон қилиш тўғрисида ариза топширди. Бу масала бўйича овоз бериш шанба куни бўлиб ўтади.
Юн Сеок-Ёл сешанба куни кечқурун ҳарбий ҳолат эълон қилди ва чоршанба куни эрталаб Миллий ассамблея унга қарши овоз берганидан кейин уни бекор қилди.
Роналду "Реал"га қайтиши мумкин
Табиат инсондан ўч олмоқда
Россия банклари рекорд даражада даромад олди
