Келгуси ҳафталарда Хитой билан музокараларнинг янги босқичи кутилмоқда

Бир неча ҳафта ичида АҚШ ва Хитой делегациялари ўртасида савдо музокараларининг янги босқичи бўлиб ўтиши кутилмоқда.

Бу ҳақда АҚШ молия вазири Скотт Бессент CNBC телеканалига берган интервьюсида маълум қилди.

"Келгуси бир неча ҳафта ичида кенгроқ келишув устида ишлашни бошлаш учун яна учрашамиз, деб умид қиламан”, деди у.

Унинг сўзларига кўра, учрашувнинг аниқ тафсилотлари – сана ва жой ҳозирча белгиланмаган.

Бессентнинг айтишича, икки делегациянинг Женевада бўлиб ўтган учрашуви пухта ўтган ва Хитой томони АҚШга прекурсорли гиёҳванд моддалар оқимини тўхтатишда ёрдам беришга жиддий ёндашаётганини кўрсатди.

Эслатиб ўтамиз, Швейцарияда Хитой ва АҚШ делегациялари ўртасидаги музокаралар якунлари бўйича томонлар савдо-иқтисодий маслаҳатлашувлар механизмини яратиш, шунингдек, божларни 90 кунга ўзаро камайтиришга келишиб олган эди.