Бухоро вилоят ички ишлар бўлими, Жиноят қидирув бўлинмаси ҳамда ДХХ ходимлари томонидан тезкор маълумотлар асосида тадбир ўтказилган. Унда ҳовлисидаги иссиқхонасида 148 туп каннабис экиб, уни парваришлаётган шахс қўлга олинган. Бу ҳақда «Xabar.uz»га Бухоро вилояти ИИБ ЖХХ ЙҲХБ Ахборот хизмати бошлиғи, капитан Улуғбек Шукурлаев маълум қилди.
Маълум бўлишича, Бухоро туман, Роботиқалмоқ МФЙ, Бунёдкор қишлоғида яшовчи фуқаро Ш.Ш.нинг яшаш ҳовлиси холислар иштирокида белгиланган тартибда кўздан кечирилган. Текширувлар давомида Ш.Ш.нинг ўз иссиқхонасида таъқиқланган гиёҳвандлик воситасини парваришлаб келаётгани фош бўлган. Экспертиза ушбу гиёҳвандлик воситаларининг марказий пояси ва илдизларига эга бўйи 3,7 смгача, поясининг диаметри 0,1 ммгача бўлган ўзига хос ўткир ҳидли, ҳўл, яъни қуритилмаган ҳолатдаги каннабис ўсимлиги эканини хулосалаган. Қонунга хилоф равишда экилиб, етиштирилаётган каннабис ўсимлиги 148 та тупдан иборат бўлган.
Фош этилган ҳолат холислар иштирокида ҳужжатлаштирилиб, далилий ашёлар белгиланган қонуний тартибда расмийлаштириб олинган.
Мазкур ҳолат юзасидан фуқарога нисбатан Ўзбекистон Республикаси Жиноят кодексининг 270-моддаси (Таъқиқланган экинларни етиштириш), 1-қисмига асосан, жиноят иши қўзғатилиб, ҳозирда тергов ҳаракатлари олиб борилмоқда.
Ўқитувчилар ва тиббиёт ходимларининг ойлиги 2 баравар оширилади
Мактаб ва коллеж битирувчилари 1 йиллик ҳарбий хизматга жалб қилинади
Собиқ мудофаа вазири президент саройига бостириб киришни уюштиргани учун ҳибсга олинди
