Сурияда Башар ал-Ассад режими қулаганидан кейин Исроил стратегик ҳарбий объектларни йўқ қилишга қаратилган бир қатор кенг кўламли ҳужумларни амалга оширди. Американинг Wall Street Journal газетасининг ёзишича, амалиётлар нишони кимёвий қуроллар, ракеталар ва кейинчалик исломий гуруҳлар, жумладан Ҳаят Таҳрир аш-Шам террор ташкилоти қўлига тушиши мумкин бўлган бошқа қуроллар бўлган.
Исроил ҳарбийлари, таъкидланганидек, Суриядаги юзлаб объектларни, жумладан, қурол-яроғ омборларини вайрон қилган - бунинг учун улар сўнгги йилларда тўпланган разведка маълумотларидан фойдаланган.
«Биз минтақа хавфсизлигига таҳдид соладиган барча нарсаларни йўқ қилишга содиқмиз», деди Исроил ҳукумати вакили.
Дамашқ яқинида Исроил танклари борлиги ҳақидаги хабарларга қарамай, Исроил расмийлари ўрнатилган буфер зонадан ташқарида қуруқликдаги кучлар қўлланилганини рад этишмоқда.
«Биз стратегик қуроллар, жумладан, кимёвий уруш агентлари ва узоқ масофали ракеталар Исроил ва дунёга таҳдид солиши мумкин бўлган экстремистлар қўлига тушишининг олдини олмоқчимиз», — деди Исроил ташқи ишлар вазири Гидеон Саар.
Роналду "Реал"га қайтиши мумкин
Табиат инсондан ўч олмоқда
Россия банклари рекорд даражада даромад олди
