Испаниялик мактаб ўқувчиси Владимир Путиндан махсус совға олди

Оведо шаҳрида истиқомат қилувчи Люсия Россия президентига йўллаган мактубига жавобан унинг имзоси туширилган суратни қабул қилиб олди.

РИА Новости'нинг хабар беришича, ушбу эсдалик совғасини топшириш учун Россиянинг Испаниядаги элчиси Юрий Клименко қизалоқ ва унинг оиласини Мадридда жойлашган элчихонада қабул қилган.

Автографли портретдан ташқари, Люсияга яна иккита лента — Георгий ва Россия уч рангли ленталари совға қилинди.

Люсия болалигидан Россия халқини яхши кўришини ва президент билан учрашиш унинг энг катта орзуси эканини айтган.