Холанд "Барса"га ўтади!

«Манчестер Юнайтед»нинг собиқ ярим ҳимоячиси Пол Скоулз Эрлинг Холанд келажакда «Барселона»га ўтиши мумкинлигини тахмин қилди.

«Агар «Манчестер Сити» АПЛдан четлатилса, Холанд «Барселона»га ўтади, деб ўйлайман. У «Реал»га ҳам мос футболчи, уни Мадрид клуби либосида тасаввур қила оламан. Аммо катта эҳтимол билан «Барса»ни танлайди. Отаси бу борада аллақачон алоқалар ўрнатмаган бўлса, ҳайрон қоламан», — деди Скоулз.

26 ёшли норвегиялик ҳужумчининг «Манчестер Сити» билан шартномаси 2034 йил июнь ойи охиригача амал қилади.