«Барселона», «Ювентус», ПСЖ клублари ва Бразилия терма жамоасининг собиқ ҳимоячиси Дани Алвес тўққиз йиллик турмушидан сўнг рафиқаси Жоана Санс билан ажрашмоқда.
Бу ҳақда журналист Хави Ойос аёл билан суҳбатлашганидан сўнг ўзининг ижтимоий тармоқларида маълум қилган.
Жуфтлик 2017 йилда турмуш қурган. 2025 йил октябрь ойида уларнинг Хулета исмли қизи дунёга келган. Ойоснинг маълумотларига кўра, ажрашиш ташаббуси Жоана Санс томонидан билдирилган. Бунга 43 ёшли бразилиялик футболчининг динга берилиб кетгани ва оиласига эътибор қаратишни тўхтатгани сабаб бўлган.
«Жоана Санс ва Дани Алвес ҳозирда ажрашиш жараёнини расмийлаштирмоқда. Бу маълумотни олгач, Жоана билан боғландим ва у менга бунинг сабабларини тушунтирди. Сўнгги вақтларда барчамиз Дани Алвеснинг воиз сифатида намоён бўлаётган видеоларини кўрдик. Маълум бўлишича, у ҳозирда воиз ва евангелик эътиқоди ҳақида маърузалар қилувчи нотиқ сифатида дунё бўйлаб сафар қилмоқда. Жоананинг тушунтиришича, бу унинг ўзи ва қизидан узоқлашишига олиб келган. Энди эса у ўзини ёлғиз ҳис қилмоқда», — деди журналист.
Актриса Барчин Ғофурова ва блогер "Кокош" қамалди
"Европаликлар Абу-Дабига келишибди — майли, меҳмонхоналарида ўтираверсинлар"
Россиядан АҚШга йўл олган учта дизель ташувчи танкер ҳам йўналишини ўзгартирди
