Яманнинг ҳутийлари Исроилнинг Бен-Гурион аэропортига қарши ҳарбий операция ўтказганини маълум қилди. Бу ҳақда гуруҳ вакили Яҳё Сария Al Jazeera телеканалига маълум қилди.
"Биз ишғол қилинган Яффа ҳудудидаги Бен Гурион аэропортини нишонга олган ҳарбий операция ўтказдик" - деди Сариа.
У халқаро авиакомпанияларни Бен Гурионга учишдан тийилиш ҳақида огоҳлантирди, чунки у ҳозирда хавфли.
Сарианинг сўзларига кўра, Америка ва Исроил ҳаво ҳужумидан мудофаа тизимлари ҳутий ракеталарини тута олмаган.
Аввалроқ Бен Гурион ҳудудида ракета қолдиқлари қулаши оқибатида жабрланганлар сони саккиз нафарга етгани хабар қилинганди.
Ҳодиса ортидан аэропорт кирувчи ва чиқувчи рейслар учун ёпилган. Воқеа жойидан олинган кадрларда қулаган вайроналар натижасида улкан кратер пайдо бўлган.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Франция Россия Ғалаба байрамига таклиф қилинмаганидан ғазабланди
