Ҳиндистон билан можаро авж олди: Покистон осмонида 149 рейс бекор қилинди!

Покистон ва Ҳиндистон ўртасидаги можаро авж олгани сабабли Покистонда камида 149 рейс бекор қилинди.

Бу ҳақда Покистоннинг Geo TV телеканали хабар берди.

Бекор қилинган рейсларнинг 42 таси пойтахт Исломободдан, 36 таси Лаҳордан ва 34 таси Карачидан.

Ҳисоботда қайд этилишича, ҳукумат томонидан парвозлар хавфсизлигини таъминлаш бўйича кўрилаётган профилактик чора-тадбирлар, жумладан, ҳаво ҳудудини ёпиш жами 200 дан ортиқ парвозлар вақтини белгилашга таъсир кўрсатган.