Reuters агентлиги Россия манбаларига таяниб хабар беришича, Россия президенти Владимир Путин Украинадаги урушни тўхтатиш учун қўяётган шартлар қаторида Ғарб раҳбарларидан НАТОнинг шарққа кенгайишини тўхтатиш ва Россияга нисбатан жорий этилган айрим санкцияларни бекор қилиш ҳақида ёзма мажбурият олишни талаб қилмоқда.
"Путин тинчлик ўрнатишга тайёр, бироқ ҳар қандай нарх эвазига эмас," - деди нашрга суҳбатдошлардан бири.
Музокаралар жараёнидан хабардор учта манба маълум қилишича, Путин Ғарб мамлакатларидан НАТО иттифоқини шарққа кенгайтирмаслик ва шу орқали "Украина, Грузия ва Молдованинг иттифоққа аъзолигини расман истисно этиш" бўйича "ёзма" мажбурият олишни истайди.
Бундан ташқари, Россиянинг талаблари орасида: Украинанинг бетараф мақоми; Ғарбнинг айрим санкцияларини бекор қилиш; музлатиб қўйилган активлар масаласини ҳал этиш; Украинадаги рус тилли аҳолини ҳимоя қилиш масалалари ҳам бор.
Шунингдек, агентлик манбалари Путиннинг ҳудудий масала бўйича позициясини "қатъийлаштиргани" ҳақида гапирди. Энди у Донетск, Луганск, Запороже ва Херсон вилоятларини тўлиқ Россия назорати остига ўтказиш тўғрисида ошкора талаб қўйишни талаб қилмоқда. Аслида, уларнинг бутун ҳудуди Москва томонидан босиб олинмаган.
Кремль миллиардлаб топмоқда, Европа эса миллиардлаб сарфламоқда
Медведевнинг хаёллари
Дуров: "Мен русман!"
