АҚШ президенти Доналд Трамп ўтган ҳафта телефон орқали суҳбатда Исроил бош вазири Бинямин Нетаняҳуни Вашингтон ва Теҳрон ўртасидаги Эрон ядро дастури бўйича музокараларни издан чиқариши мумкин бўлган Эронга нисбатан ҳар қандай ҳаракатлардан тийилишга чақирганини маълум қилди.
"Мен очиқ бўлишни хоҳлайман. Ҳа, шундай бўлди," - деди Трамп Оқ уйда журналистларга Нетаняҳуни огоҳлантиргани ҳақидаги саволга жавоб берар экан.
Шу билан бирга, Трамп АҚШ Эрон билан "жуда самарали музокаралар олиб бораётганини" таъкидлади. "Биз Эрон билан жуда самарали музокаралар олиб бормоқдамиз. Бу бирор натижа берадими йўқми, кўрамиз, лекин музокаралар яхши кетмоқда," - деб қўшимча қилди у.
23 май куни Римда Эрон ва АҚШ вакиллари ўртасида Эрон ядро дастури атрофидаги инқирозни ҳал қилиш бўйича музокараларнинг бешинчи босқичи бўлиб ўтди. Воситачи сифатида Уммон қатнашди. Уммон ташқи ишлар вазири Бадр ал-Бусаидий "маълум, бироқ якуний бўлмаган натижалар"га эришилганини маълум қилди.
Кремль миллиардлаб топмоқда, Европа эса миллиардлаб сарфламоқда
Медведевнинг хаёллари
Дуров: "Мен русман!"
