Маълумотларга кўра, АҚШ собиқ давлат котиби Ҳиллари Клинтон бугун Конгрессда Жеффри Эпштейн иши юзасидан кўрсатма беради. Унинг турмуш ўртоғи, АҚШнинг собиқ президенти Билл Клинтон эса эртага тингловларда қатнашиши кутилмоқда.
Телеканал манбаларининг айтишича, Клинтонлар бир неча ой давомида Конгрессда кўрсатма беришдан қочишга уринган. Бироқ республикачилар уларни Конгрессга ҳурматсизлик айби билан жиноий жавобгарликка тортиш билан таҳдид қилгач, жуфтлик кўрсатма беришга рози бўлган.
Билл Клинтон номи “Эпштейн файллари”да бир неча бор тилга олинади. Ҳужжатлар орасида унинг Эпштейн билан тушган суратлари ҳам мавжуд. Шунга қарамай, собиқ президент молиячи Жеффри Эпштейннинг жинсий жиноятлари ҳақида хабардор бўлмаганини таъкидлаб келмоқда.