Германияда ёшлар ҳукуматнинг ижтимоий ва иқтисодий сиёсатига қарши оммавий намойишларга чиқди. «Gen Z regelt» ҳаракати ташаббуси билан 31 октябрь куни мамлакатнинг ўнлаб шаҳарларида норозилик акциялари ташкил этилди.
Энг йирик намойишлардан бири Берлиндаги Бранденбург дарвозаси олдида бўлиб ўтди. Бу ерда 5 мингга яқин киши тўпланди. Айрим иштирокчилар Хеллоуин либосларида келган, бошқалари эса коммунистик рамзлар ва канцлер Фридрих Мерцнинг истеъфосини талаб қилувчи плакатлар кўтарган.
Bild маълумотига кўра, Штутгартда 3 мингга яқин, Эрфуртда 1900, Ростокда эса 230 киши намойишларда қатнашган.
Акция иштирокчилари ҳукуматни ёшлар манфаатларига етарлича эътибор қаратмаётганликда айбламоқда. Улар яшаш харажатларини камайтириш, таълимга кўпроқ маблағ ажратиш ва иқлимни муҳофаза қилиш чораларини кучайтиришни талаб қилмоқда.
Намойишчилар, шунингдек, мажбурий ҳарбий хизматни жорий этиш ва қуролланиш харажатларини ошириш режаларига қарши чиқмоқда.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
Россия Болтиқбўйи давлатларига қарши ядровий қурол қўллаши мумкин, агарда...
