Францияда муҳожирларни қўрқитган беш нафар британиялик қўлга олинди

Франция шимолида муҳожирларни қўрқитиш ҳаракатларига алоқадорликда гумонланган Буюк Британиянинг беш нафар фуқароси қўлга олинди.

Бу ҳақда ici радиостанцияси Нор департаменти префектурасига таяниб хабар берди.

Маълум қилинишича, гумонланувчилар пайшанба куни Дюнкерк шаҳри яқинидаги Гран-Сент коммунасида ушланган.

Улар ижтимоий тармоқда жонли эфир олиб бориб, муҳожирларга нисбатан қўрқитиш ҳаракатларини акс эттирувчи кадрларни намойиш этган.

Ҳуқуқни муҳофаза қилувчи органлар мазкур ҳолат юзасидан беш нафар британияликни қўлга олган.