Франция, Германия ва Буюк Британия Яқин Шарқдаги иттифоқчиларига нисбатан ҳужумлар давом этса, Эронга қарши ҳарбий чоралар кўриш мумкинлигидан огоҳлантирди.
Бугун БААдаги Франция ҳарбий базаси ҳамда Иорданиядаги Бундесвер аскарлари ҳужумга учради. Шунингдек, Эрон Буюк Британия ҳарбий базалари жойлашган Кипр йўналишига икки ракета учирган.
“Биз Эронни ушбу ўйламасдан амалга оширилаётган ҳужумларни зудлик билан тўхтатишга чақирамиз. Шуни маълум қиламизки, биз минтақадаги ўз манфаатларимиз ва иттифоқчиларимиз манфаатларини ҳимоя қилиш учун зарур чораларни кўришга тайёрмиз.
Зарур ва келишилган мудофаа тадбирлари орқали Эроннинг ракета ва ҳарбий дронларни учириш қобилиятини, шунингдек, уларнинг асосий манбасини йўқ қилиш имкониятини кўриб чиқишимиз мумкин”, дейилади мамлакатларнинг қўшма баёнотида.
Аввалроқ Франциянинг «Шарль де Голль» авиаташувчиси Ўрта Ер денгизи томон йўл олгани хабар қилинганди.
ЙПХ инспекторини уриб кетган 10-синф ўқувчиси “Шуҳрат” медали соҳибининг эркатой набираси экани маълум бўлди
Галибаф: “Эроннинг жавоби шунчалик даҳшатли бўладики, улар ёлвориб узр сўрашади”
Тожикистонда “тахт” транзитига тайёргарлик бошландими?
