АҚШ Марказий разведка бошқармаси Эрон олий раҳбари Али Хоманаий вафот этишидан олдин бир неча ой давомида уни кузатиб борган. Бу ҳақда "The New York Times" ўз манбаларига таяниб хабар бермоқда.
Нашрнинг ёзишича, разведка 28 февраль куни эрталаб Хоманаийнинг қароргоҳида юқори мартабали мулозимлар иштирокида музокаралар бўлиб ўтишини ва унда Хоманаийнинг шахсан ўзи қатнашишини аниқлаган. Дастлаб зарбани тунда бериш режалаштирилган эди, бироқ барча йиғилганларни бир жойда тутиш мақсадида операция эрталабга кўчирилган.
Ушбу операция АҚШ ва Исроилнинг яқин ҳамкорлиги, шунингдек, ўтган йилги 12 кунлик урушдан кейин Эрон раҳбарияти устидан олиб борилган чуқур таҳлиллар натижаси бўлди.
Эрталабки соат тахминан 06:00 да Исроил қирувчи самолётлари ҳавога кўтарилган. Ҳужум учун кам сонли самолётлар жалб қилинган бўлса-да, улар узоқ масофали ва юқори аниқликдаги ўқ-дорилар билан қуролланган эди.
Таҳлилчиларнинг таъкидлашича, Эрон раҳбарияти АҚШ ва Исроил томонидан урушга тайёргарлик кўрилаётгани ҳақидаги аниқ сигналларга қарамай, зарур хавфсизлик чораларини кўрмаган.
ЙПХ инспекторини уриб кетган 10-синф ўқувчиси “Шуҳрат” медали соҳибининг эркатой набираси экани маълум бўлди
Тожикистонда “тахт” транзитига тайёргарлик бошландими?
АҚШда “асрнинг энг ижобий бурилиши” юз берди
