Саудия Арабистони валияҳд шаҳзодаси Муҳаммад бин Салмон АҚШ президенти Доналд Трампни Эронга қарши кенг кўламли ҳарбий операция бошлашга кўндиришда муҳим роль ўйнаган. Бу ҳақда вазиятдан хабардор тўрт манбага таяниб, The Washington Post хабар берди.
Нашр маълумотларига кўра, Трамп шанба куни АҚШнинг Яқин Шарқдаги ноодатий иттифоқчилари — Исроил ва Саудия Арабистонининг бир неча ҳафта давом этган фаол лобби ҳаракатларидан сўнг Эронга қарши зарба бериш тўғрисида қарор қабул қилган.
Манбаларнинг айтишича, Муҳаммад бин Салмон сўнгги бир ой ичида Трамп билан бир неча бор шахсий телефон мулоқотларини ўтказиб, АҚШнинг ҳарбий аралашувини қўллаб-қувватлаган. Бу эса унинг омма олдида дипломатик ечим тарафдори сифатида билдирган баёнотларига зид бўлган.
The Washington Post’нинг ёзишича, Трамп қарорни АҚШ разведка ҳамжамиятининг баҳоларига қарамай қабул қилган. Разведка ҳисоботларида кейинги ўн йил ичида Эрон кучларининг АҚШ материк ҳудудига бевосита таҳдид солиш эҳтимоли паст экани қайд этилган эди. .
Таҳлилчиларга кўра, бу қарор Трампнинг аввалги, нисбатан тор доирадаги ҳарбий операцияларидан кескин фарқ қилади ва Яқин Шарқдаги кучлар мувозанатига жиддий таъсир кўрсатиши мумкин.
ЙПХ инспекторини уриб кетган 10-синф ўқувчиси “Шуҳрат” медали соҳибининг эркатой набираси экани маълум бўлди
Тожикистонда “тахт” транзитига тайёргарлик бошландими?
АҚШда “асрнинг энг ижобий бурилиши” юз берди
