Фарғонада типратикан ва илонли шўрва пишираётганлар аниқланди. Ҳужжатлар судда

Ижтимоий тармоқларда илондон шўрва тайёрланаётгани акс этган видео тарқалди.

Ҳолат Фарғона вилояти Экология, атроф-муҳитни муҳофаза қилиш ва иқлим ўзгариши бошқармаси экологик назорат инспекцияси ҳамда 1-минтақавий ППХ ходимлари томонидан ўрганилди.

Ўрганиш натижасида Олтиариқ тумани "Зилҳа" МФЙ ҳамда Бувайда тумани "Бостон бўво" МФЙ ҳудудларидаги қум барханларида ҳуқуқбузар томонидан типратикан ҳамда илон ноқонуний сақланиб, шўрва тайёрлаб сотилаётганлиги аниқланди.

Ҳолат юзасидан тегишли ҳужжатлар расмийлаштирилиб, суд органларига юборилди.