ЕИ мазкур сайловда Европада Хавфсизлик ва Ҳамкорлик Ташҳкикоти (ЕХҲТ) кузатувчилари иштирок этмаганидан афсус билдирди ва қаттиқ чекловлар шароитида ўтган овоз бериш жараёнини танқид қилди.
Шу билан бирга, Европа Иттифоқининг баёноти Россиядаги сайлов натижаларини тан олинмаслигини билдирмайди. Баёнотда фақатгина Европа Иттифоқи Украинанинг аннекция қилинган ҳудудларидаги сайловни тан олмаслиги қайд этилган.
"Украинанинг босиб олинган ҳудудлардаги “сайлов” деб аталмиш жараён Россия томонидан халқаро ҳуқуқ, жумладан, БМТ Низоми, шунингдек, Украинанинг мустақиллиги, суверенитети ва ҳудудий яхлитлигининг яна бир очиқ-ойдин бузилишини кўрсатади", — дея муносабат билдирган Европа Иттифоқининг ташқи ишлар ва хавфсизлик бўйича олий вакили Жозеп Боррел.
Аввалроқ, Германия, Литва ва Полша ҳукумати вакиллари Россияда ўтказилган президентлик сайлови натижаларини тан олмасликлари ҳақида эълон қилишган эди.
