Reuters агентлигининг ўз манбаларига таяниб хабар беришича, Эроннинг янги олий раҳбари, 56 ёшли Мужтабо Хоминаий юзи ва оёқларидан олган оғир жароҳатлардан сўнг тикланиш жараёнини бошдан ўтказяпти. Шунга қарамай, у қарор қабул қилиш қобилиятини сақлаб қолган ва Вашингтон билан ўт очишни тўхтатиш бўйича музокаралар каби муҳим масалаларни шахсан назорат қилмоқда.
Мужтабо Хоминаий отаси Оятуллоҳ Али Хоминаий ва оила аъзолари ҳалок бўлган АҚШ-Исроил авиазарбасидан бери омма олдида кўриниш бермаган. Хабарларга кўра, ўша ҳужумда унинг юзи жиддий шикастланган ва бир ёки иккала оёғидан оғир жароҳат олган. Эрон давлат телевидениеси уни тайинловдан сўнг "жонбоз" деб атаган бўлса-да, расмий Теҳрон жароҳатлар даражаси ҳақида батафсил маълумот бермаяпти.
АҚШ разведкаси ва Мудофаа вазири Пит Ҳегсет ҳам Хоминаийнинг "яраланган ва юзи шикастланган" бўлиши мумкинлигини тасдиқламоқда.
Экспертларнинг фикрича, Мужтабо Хоминаий Ислом инқилоби корпуси қўриқчилари (ИИКҚ) билан яқин алоқалари туфайли отасининг қатъий сиёсатини давом эттириши мумкин, дейилади хабарда.
Теҳронда Олий раҳбар вафоти муносабати билан катта мотам маросими бўлиб ўтмоқда
Шимолий Корея Эрондан узоқлашишни бошлади — разведка
Эроннинг «иштиҳаси» ортиб бормоқда
