“Манчестер Сити” клуби ярим ҳимоячиси Тижани Рейндерс жамоа бош мураббийи Пеп Гвардиоланинг кутилмаганда истеъфога чиққани ва бу қарорнинг ортида турган асл сабаблар ҳақида гапирди.
Маълумки, испаниялик мутахассис шартномаси якунланишига ҳали бир йил вақт бўлишига қарамай, мавсум охирида “Этиҳад”ни тарк этишга қарор қилган эди. Рейндерснинг фикрича, бунга испаниялик мураббийнинг “шаҳарликлар” бошқарувида ўтказган ўн йиллик фаолиятидан сўнг руҳан ва жисмонан чарчагани сабаб бўлган.
“У жуда талабчан мураббий ва футбол даҳосидир. Унинг қўл остида бор-йўғи бир мавсум тўп сурганимдан маълум маънода афсусдаман. Бироқ бу унинг шахсий қарори эди”, — дея нидерландиялик футболчининг сўзларини келтиради De Telegraaf нашри.
Ярим ҳимоячининг таъкидлашича, Гвардиола ўйин амалиёти камлигидан ёки асосий таркибга киритилмаганидан норози бўладиган футболчилар билан ишлашга ортиқ куч топа олмаган.
“10 йиллик фаолиятдан сўнг буни тўғри тушуниш лозим, мен уни тўлиқ қўллаб-қувватлайман. Уни талабчан мураббий деганимда фақат ижобий маънони назарда тутганман — Пеп доимо ўз жамоасидан максимал натижани талаб қиларди”, — дея қўшимча қилди Рейндерс.
Каннаваро Ҳусановдан бошқача ўйнашни талаб қилди!
Канада - Ўзбекистон ўйини соат нечада бошланиши ва қайси канал орқали трансляция қилиниши маълум бўлди
Фабио Каннаваро Ўзбекистон терма жамоасидаги энг катта йўқотиш қайси футболчи эканини айтди
