Эрон Starlinkдан фойдаланган ҳолда жосусликда айбланиб бир нечта одамни ҳибсга олди

Эрон полицияси Starlink ускуналаридан фойдаланган ҳолда жосусликда айбланган бир нечта шахсни ҳибсга олди.

Бу ҳақда Al-Jazeera Эрон оммавий ахборот воситаларига таяниб хабар берди.

Хабарга кўра, гумонланувчилар Юсуфободда квартира ижарага олишган, бу ер разведка фаолияти учун база сифатида ишлатилган деб тахмин қилинмоқда.

"Starlink сунъий йўлдош тизимлари каби замонавий алоқа ускуналари хорижий разведка агентликлари ва душман тармоқларига маълумотларни узатиш учун ишлатилган", деб ёзади нашрлар.

Ҳибсга олинганларнинг аниқ сони кўрсатилмаган.

Широздан тахминан 80 км жануби-шарқда жойлашган Сарвестан шаҳрида яна бир ҳибсга олиш содир бўлди. Полициянинг таъкидлашича, ҳибсга олинган шахс стратегик муҳим объектларнинг хабарлари, фотосуратлари ва видеоларини юбориш орқали "душман ташкилотлар" билан ҳамкорлик қилган.