Гвардиола ҳимоячисининг ўйинидан ҳайратда: «У дунёнинг энг яхшиларидан бирига айланмоқда»

«Манчестер Сити» бош мураббийи Хосеп Гвардиола жамоа ярим ҳимоячиси Матеус Нунеснинг янги позициядаги ҳаракатларига юқори баҳо берди. Гвардиоланинг фикрича, Нунес ўнг қанот ҳимоясида дунёнинг энг сара футболчилари қаторига қўшилмоқда.

«Матеус Нунес дунёнинг энг яхши ўнг қанот ҳимоячиларидан бирига айланиб бормоқда. Унинг ҳимоядаги ўйини, чизиқни назорат қилиши ва қанот бўйлаб олдинга чиқишлари — жуда кўп ижобий жиҳатларни кўрсатяпти», — дея Гвардиоланинг сўзларини келтиради инглиз матбуоти.

Таъкидлаш жоизки, асли ярим ҳимоячи бўлган Нунес сўнгги ўйинларда мураббий томонидан қанот ҳимоясига ўтказилган ва ушбу янги ролда ўзини кўрсатишга муваффақ бўлмоқда.