Эрон президенти Россияга миннатдорлик билдирди

Эрон президенти Масъуд Пезешкиан сўнгги воқеалар юзасидан Россия томонидан билдирилган позицияни юқори баҳолаб, Москвага миннатдорлик изҳор этди.

РИА Новости агентлигининг хабар беришича, Эрон раҳбари Россия президенти Владимир Путин, мамлакат ҳукумати ва халқига ўз ташаккурини йўллаган.

"Сўнгги воқеалар муносабати билан намойиш этилган қатъий позиция учун Россия президенти Владимир Путинга, мамлакат ҳукумати ва халқига миннатдорчилик билдирамиз", — деди Пезешкиан.

Аввалроқ Россия ташқи ишлар вазири Сергей Лавров Москва ва Теҳрон ўртасида энергетика соҳасидаги ҳамкорликни янада кенгайтириш учун катта салоҳият мавжудлигини таъкидлаган эди.