Эрон Исроилга зарба беришда ракеталарининг 25-30 фоизидан фойдаланган.
Бу ҳақда Ислом инқилоби қўриқчилари корпуси (ИИҚК) қўмондонининг мувофиқлаштириш бўйича ўринбосари Али Фазлий маълум қилди.
Унинг сўзларига кўра, Теҳрон 2006 йилдан бери Тель-Авив ва Вашингтоннинг йирик ҳужумига тайёр.
"Ҳозирда Эроннинг мавжуд ракета қувватининг тахминан 25-30 фоизи ишлатилган. Биз ракета шаҳарчаларининг бирортасини ҳали очмадик, баъзиларида эса фақат чекланган қисмлари жамоатчиликка кўрсатилди, мамлакат яширин мудофаа кучининг муҳим қисми эса шу шаҳарларда жойлашган", - дея таъкидлади Фазлий.
Эслатиб ўтамиз, Исроил 13 июнга ўтар кечаси Эронга қарши ҳарбий операция бошлаган эди.Бир кун ўтар-ўтмас Ислом Республикаси жавоб ҳужумини амалга оширди. Қўшма Штатлар можаро авж олгандан тўққиз кун ўтиб кирган: 22 июнга ўтар кечаси Америка кучлари Эроннинг учта ядровий объектига ҳужум қилди. 23 июнь куни кечқурун Теҳрон Американинг Яқин Шарқдаги энг йирик авиабазаси – Қатардаги Ал-Удейд авиабазасига ракета ҳужуми уюштирди. Кейинроқ АҚШ президенти Доналд Трамп Исроил ва Эрон 24 июндан кучга кирган ўт очишни тўхтатишга рози бўлганини маълум қилди.
Аёлларнинг пенсия ёши яна 6 ойга оширилди
Элдор Шомуродовнинг янги жамоаси маълум. У Италиядан кетмоқда
Жаҳонгир Ортиқхўжаев Анталяда 550 млн долларлик лойиҳа бошлагани маълум қилинмоқда
