Эрон ядровий дастури атрофидаги сиёсий қарама-қаршилик янги босқичга чиқиши мумкин. АҚШ, Буюк Британия, Франция ва Германия Эрон масаласини БМТ Хавфсизлик Кенгашига олиб чиқиш учун ҳаракат бошлади.
Reuters хабарига кўра, тўрт давлат Атом энергияси бўйича халқаро агентлик — МАГАТЭ Бошқарувчилар кенгашида тегишли резолюция қабул қилинишига эришмоқчи. Агар ҳужжат маъқулланса, Эрон ядровий масаласи сўнгги 20 йил ичида биринчи марта шу тартибда Хавфсизлик Кенгашига юборилади.
Ғарб давлатлари Теҳронни ядровий материаллар ва объектлар бўйича етарлича очиқликни таъминламаётганликда айбламоқда. МАГАТЭ билан Эрон ўртасида айрим объектларга инспекторларнинг кириши масаласида ҳам келишмовчилик сақланиб қолган.
Масаланинг БМТ Хавфсизлик Кенгашига чиқарилиши Эронга халқаро босимни янада кучайтириши мумкин. Бироқ Теҳронга қарши янги мажбурий чораларни қабул қилиш осон бўлмайди — Эрон билан яқин муносабатларга эга Россия ва Хитой Хавфсизлик Кенгашида вето ҳуқуқига эга.
“Агар мен президент бўлмаганимда, Исроил ҳам бўлмас эди”
Биз эртагаёқ кетамиз...
Путин Зеленскийнинг Россия осмони хавфсиз эмаслиги ҳақидаги огоҳлантиришига жавоб қайтарди
