Эрон 1 тоннадан ортиқ жанговар каллакларга эга ракеталардан фойдаланмоқчи

Агар минтақадаги можаро давом этса, Эрон қуролли кучлари ўз ҳужумларида фақат бир тоннадан каттароқ жанговар каллакли ракеталардан фойдаланиш ниятида.

Бу ҳақда Ислом инқилоби қўриқчилари корпуси (ИИҚК) Аэрокосмик кучлари қўмондони генерал Мажид Мусавий шундай баёнот берди.

"Бундан буён Эрон бир тоннадан кичикроқ жанговар каллакли ракеталарни учирмайди", деди Мусавий. ИИҚК генерали бундай ракеталар "узоқроқ масофага ва анча кенгроқ йўқ қилиш майдонига" эга эканлигини тушунтирди.