Путин Трампга Украинадаги Махсус ҳарбий амалиёт мақсадлари барибир амалга оширилишини айтди

Путин Трамп билан телефон мулоқотида Ғалаба байрами муносабати билан сулҳ эълон қилишни таклиф қилди. Бу ҳақда Россия президенти ёрдамчиси Юрий Ушаков маълум қилди.

Россия президенти ёрдамчиси Юрий Ушаковнинг Владимир Путин ҳамда Доналд Трамп ўртасидаги телефон мулоқотига доир бошқа баёнотлари:

◾️ Владимир Путин ҳам, Доналд Трамп ҳам европаликлар томонидан гижгижланаётган ва уларнинг қўллови билан можарони чўзиш йўлини тутаётган Зеленский бошчилигидаги “Киев режими”нинг хатти-ҳаракатларига ўхшаш баҳо беришди;

◾️ Россия Украинадаги тинчлик музокаралар жараёни натижаси бўлишини афзал кўради, бунинг учун эса Зеленский бир неча бор, жумладан, АҚШ томони орқали ҳам баён қилинган маълум таклифларга ижобий жавоб бериши керак;

◾️ Путин Трампга уюштирилган суиқасдни қоралади;

◾️ Россия президенти АҚШ етакчисига фуқаролик объектларига Украина томонидан ҳужум қилишда қўлланилаётган террорчилик усуллари ҳақида сўзлаб берди;

◾️ Путин Россия қўшинлари Украинада ташаббусни ушлаб тургани ва рақибни позицияларидан сиқиб чиқараётганини билдирди;

◾️ Президентлар Эрон атрофидаги вазиятни ҳам муҳокама қилдилар. Путин АҚШнинг Эронга қарши қуруқликдаги амалиёт ўтказиш вариантини хавфли деб атади;

◾️ Путиннинг фикрича, агар АҚШ ва Исроил Яқин Шарқда яна куч ишлатиш ҳаракатларига ўтса, бу ўта аянчли оқибатларга олиб келади;

◾️ Россия президенти Трампнинг Эронга нисбатан ўт очишни тўхтатиш режимини узайтириш ҳақидаги қарорини тўғри деб ҳисоблашини билдирди.