Туркия Президенти Режеп Таййип Эрдўғон Озарбайжоннинг Хонкенди шаҳрида бўлиб ўтган Иқтисодий Ҳамкорлик Ташкилоти (ОЭСР)нинг 17-саммитида нутқ сўзлаб, Исроил ҳукумати олиб бораётган тажовузкор сиёсатлар минтақавий тинчлик ва барқарорликка таҳдид солаётганини таъкидлади.
«Биз на Фаластин ишидан воз кечамиз, на Нетаньяху ҳукумати минтақа қонида ғарқ бўлаётганини сукунат билан кузатамиз», — деди Эрдўғон.
Президент ўз нутқида Афғонистонда хавфсизлик, тинчлик ва тараққиётни қўллаб-қувватлаш зарурлигини ҳам қайд этди.
Шунингдек, у Қибриснинг Шимолий Турк Жумҳурияти билан спорт, маданият, иқтисод ва туризм соҳаларида ҳамкорликни кенгайтиришга чақирди.
Эрдўғон Туркиянинг иқлим ўзгаришига қарши курашдаги саъй-ҳаракатларига тўхталиб, 2024–2030 йилларни қамраб олган Миллий энергия самарадорлиги ҳаракат режаси доирасида углерод чиқиндиларини 100 миллион тоннадан камайтиришни мақсад қилганини маълум қилди.
«Ноль чиқиндилар» лойиҳаси туфайли атмосферага тахминан 6 миллион тонна парник газлари чиқарилиши олди олинди», — деди Туркия етакчиси.
Аёлларнинг пенсия ёши яна 6 ойга оширилди
Элдор Шомуродовнинг янги жамоаси маълум. У Италиядан кетмоқда
Россияда кучли зилзила содир бўлди
