Энг қиммат ва арзон гўшт қайси давлатда

Мол гўшти нархи бўйича Ўзбекистон дунёнинг 127 давлати орасида 91-ўринни эгаллади. Бу ҳақда Rost24 Тelegram канали хабар берди.

Numbeo маълумотларига кўра, Ўзбекистонда 7 мартда бир килограмм мол гўшти нархи 8,1 долларни ташкил этган. Масалан, Қозоғистон, Россия, Қирғизистон, Тожикистонда 7 доллардан сал кўпроқ.

Швейцария, Исландия, Жанубий Корея, Норвегия ва Люксембург дунёдаги энг қиммат мол гўшти бўлган бешта давлат қаторига киради. Рўйхатда етакчилик қилган Швейцарияда бир килограмм гўшт нархи 44,3 АҚШ долларига баҳоланган. Бундан ташқари, Исландияда – 38,7, Жанубий Кореяда – 28, Норвегияда – 26,8, Люксембургда эса 1 килограмм гўштни бор-йўғи 23,9 АҚШ долларига харид қилиш мумкин.

Энг арзон гўшт Кения (4,97), Гана (4,78), Нигерия (4,50), Уганда (12) ва Покистонда (4,04) сотилади. Шубҳасиз, бу бир ой олдинги статистик маълумотлар. Бироқ, бу вақтда рақамлар сезиларли даражада ўзгармаган бўлиши керак.