"Реал"да Модричдан кейин ўнинчи рақамда ким ўйнаши аниқ бўлди

Мадриднинг "Реал" клубида Лука Модрич кетганидан кейин 10-рақамда ким ҳаракат қилиши маълум бўлди.

Хорват клублар ўртасидаги жаҳон чемпионати якунлангач, "қаймоқранглилар" сафини тарк этади. Журналист Эду Агирренинг ёзишича, "қироллик клуби" аллақачон Модрич кетганидан кейин ўнинчи рақамни Килиан Мбаппе олишига қарор қилган. Эслатиб ўтамиз, франциялик ҳужумчи "Реал"даги дебют мавсумини тўққизинчи рақам остида ўтказган эди.

Лука Модрич 2012 йилдан буён Мадрид гранди шарафини ҳимоя қилиб келмоқда. У клубни эркин агент сифатида тарк этади.