Россиянинг Воронеж шаҳрида бир талаба хонадошини гигиенага риоясизлиги сабабли ўлдирди

Воронеж шаҳрида фожиали воқеа юз берди — талабалар ётоқхонасида яшовчи икки йигит ўртасидаги узоқ давом этган келишмовчилик оғир оқибатларга олиб келди.

Максим исмли йигит узоқ вақт давомида яшаш жойига эътиборсизлик қилган: ички кийимларини алмаштирмаган, ифлос кирларини ҳар томонга сочиб юборган ва бурчакларда овқат қолдиқларини унутиб кетган. Ушбу ҳолат бошқа бир талабага — унинг хонадошига катта ноқулайлик туғдирган.

Навбатдаги жанжалдан сўнг сабр-тоқат косаси тўлган йигит пичоқ олиб, Максимнинг томоғини кесган.

Қотиллик содир бўлгач, у дарҳол ўзининг туғилиб ўсган қишлоғига жўнаб кетган ва у ерда политсияга бориб, содир этган жиноятини тан олган