ЕИ элчилари бугун Россияга қарши 15-санкция пакетини келишиб олишни режалаштирмоқда

Европа Иттифоқига аъзо давлатларнинг элчилари бугун Россияга қарши санкцияларнинг 15-пакети бўйича келишиб олишни режалаштирмоқда.

Бу ҳақда Politico дипломатик манбаларга таяниб хабар берди.

Улар йил охиригача янги санкциялар тасдиқланишига умид билдирди.

Аввалроқ 54 киши ва 29 ташкилот қора рўйхатга киритилиши хабар қилинганди. Бундан ташқари, Европа Иттифоқи 34 та компания ва 47 та кемани "кулранг" рўйхатга қўшишни режалаштирмоқда, бу эса қўшимча назоратни талаб қилади.

Санкциялар лойиҳаси Сербия, Ҳиндистон, Таиланд ва БАА компанияларига тааллуқлидир.