Учта Chevrolet энг серхаражат автомобиллар ўнлигига кирди

Автомобилдан фойдаланиш давридаги харажатлар машина танлашдаги муҳим жиҳатлардан ҳисобланади. Ҳар доим ҳам автомобилнинг нархи тўғри кўрсаткич эмас, нархи арзонроқ машина кейинчалик кўп чиқимга сабаб бўлиши ҳам ҳеч гапмас.

Масалага ана шу томонлама ёндашган Американинг Self сайти фойдаланиш даврида энг кўп ва энг кам харажатга сабаб бўлувчи автомобиллар рейтингини тузди.

Тадқиқотда турли автомобил моделларидан фойдаланилган йиллардаги харажатлар ҳисобга олинди. Шунингдек, ёнилғи (электромобиллар учун қувватлаш), техник хизмат кўрсатиш ва суғурталаш харажатлари кўзда тутилди.

Маълум бўлишича, гибридлар ва электромобиллар ўртача олганда ички ёнув двигателли автомобилларга қараганда 15 фоиз камчиқим. Ва аксинча, турли пикаплар ва йўлтанламаслардан фойдаланиш харажат устига харажатдан иборат.

Энг камчиқим автомобиллар (топ-10):

1. Tesla Model 3
2. Hyundai Elantra
3. Toyota Corolla
4. Kia Forte (Cerato)
5. Honda Civic
6. Honda Accord
7. Tesla Model Y
8. Nissan Altima
9. Toyota Camry
10. Honda CR-V.

Энг серхаражат автомобиллар (топ-10):

1. Chevrolet Tahoe
2. Lexus RX
3. Ram Pickup
4. Toyota 4Runner
5. Chevrolet Silverado
6. Ford F-Series
7. Ford Bronco
8. Toyota Tundra
9. GMC Sierra
10. Chevrolet Traverse.