DW: АҚШ ҳукумати “Озодлик радиоси”га молиявий ёрдамни тиклайди

Қўшма Штатлар Глобал медиа агентлиги (USAGM) 15 март куни “Озод Европа/Озодлик радиоси” учун ажратилган давлат грантини бекор қилиш ҳақидаги қарорини қайтариб олди. Бу ҳақда агентлик раҳбари катта маслаҳатчиси Кери Лейк имзолаган хатда қайд этилган.

Шу тариқа, грант шартномаси яна кучга кирди. Бироқ ҳужжатда USAGM келажакда грантни бекор қилиш ҳуқуқини ўзида сақлаб қолиши қайд этилган.

Грант бекор қилингани эълон қилингач, медиакомпания агентликни судга берди ва молиялаштиришни тўхтатишга вақтинчалик тақиқ қўйишга эришди. Қайд этилишича, “Озодлик радиоси” 2025 йил октябригача федерал ҳукуматдан яна 77 миллион доллар маблағ олиши керак.