Колорадо штатидаги Денвер халқаро аэропортида Boeing 737 бортида содир бўлган ёнғин оқибатида 12 киши шифохоналарга етказилди.
Бу ҳақда CNN телеканали хабар бермоқда.
Эслатиб ўтамиз, пайшанба оқшомида American Airlines авиакомпанияси самолёти Денвер аэропортида тутаб кетган ва кейинчалик у ёнғинга айланган эди.
Ижтимоий тармоқларда тарқалаётган кадрларда йўловчилар шошиб самолётни тарк этгани, баъзилари эса қанотга чиқиб кетаётганини кўриш мумкин. Гувоҳларнинг сўзларига кўра, ёнғинга самолёт ёқилғиси ёниши сабаб бўлган.