Чехиянинг Градец-Кралове шаҳридаги савдо марказида содир этилган пичоқли ҳужумда аёллар ҳалок бўлди, дея хабар беради Euronews.
Гумонланувчи 16 ёшли ўсмирдир. Тез орада у қўлга олинди.
Полиция маълумотларига кўра, ҳалок бўлган иккала аёл ҳам ҳужум содир бўлган дўконда ишлаган.
— Биз гумонланувчини жиноят жойидан бир километр нарида 10 дақиқадан сўнг ушладик. Уни воқеа жойида махсус бўлинма гуруҳи қўлга олди, - деди шаҳар полиция бошқармаси матбуот котиби Ива Кормосова.
Чехия Бош вазири Петр Фиала марҳумларнинг оила аъзоларига ҳамдардлик билдирди.
— Градец-Краловедаги воқеа шаҳар аҳолисини даҳшатга солди ва кенг ваҳима уйғотди, — деб ёзди у Х ижтимоий тармоғида.
Ҳужум сабаблари ҳозирча номаълум, тергов ҳаракатлари давом этмоқда.
Полициянинг айтишича, вазият назорат остида ва халқ учун хавф йўқ.
Ҳиндистонлик талаба Тошкент тиббиёт академиясидан норози бўлди
Франция Россия Ғалаба байрамига таклиф қилинмаганидан ғазабланди
Қодировнинг аҳволи жуда оғир: у ворис қидирмоқда
