Чемпионлар лигасида ҳафтанинг энг яхши ўйинчиси аниқланди

УЕФА жорий ҳафтадаги Чемпионлар лигасининг энг яхши футболчисини эълон қилди.

Бу номга Дортмунднинг «Боруссия» клуби ҳужумчиси Серу Гирасси сазовор бўлди.

28 ёшли гвинеялик футболчи «Спортинг»га қарши биринчи плей-офф баҳсида (3:0) 1 та гол ва 1 та голли узатма амалга оширди.

Гирасси ушбу мукофот учун овоз беришда «Реал» ҳужумчиси Винисиус Жуниор, «Бенфика» футболчиси Вангелис Павлидис ва «Фейеноорд» вингери Игор Пайшаони ортда қолдирди.